O III Fetival de Patchwork terá lugar os próximos días 12 e 13 de outubro en Moaña, na Sala de Exposicións da Praza de Abastos, situada no paseo marítimo.

Este ano, o Festival contará con dous tipos de concursos:

1) Concurso-exposición tema libre. Para este concurso, establécense os seguintes premios:

- Primeiro premio absoluto á mellor obra

- Segundo premio absoluto á segunda mellor obra

- Premio Contemporáneo

- Premio acolchado a man

- Premio Colectivo

- Premio popular

2) Concurso-exposición Adaptación da obra "A Costureira", de Carlos Maside. Para este concurso concédese un único premio absoluto e a técnica da obras será libre.

Ademais dos premios patrocinados de edicións anteriores, este ano a Asociación otorgará un premio en metálico de 600 euros para o Concurso de temática libre e outro premio en metálico de 400 euros para o Concurso da adaptación da obra "A Costureira", de Carlos Maside.

A data límite de inscrición será o 7 de setembro e o envío de traballos realizarase dende o 13 de agosto ao 7 de setembro.

A Feira comercial terá lugar no Pavillón de Deportes de Reibón. Os cursos están por confirmar, farase chegar a información en canto se concreten os horarios, datas e actividades previstas.

No arquivo adxunto podedes descargarvos as bases para a participación no concurso e o formulario de inscrición.

Xa podedes ver as fotos do encontro na galería de fotos ou pinchando aquí.